پی ٹی آئی کی جشن آزادی کی تقریب، قائد حزب اختلاف سندھ کی شرکت

 

 سندھ کےاپوزیشن لیڈر حلیم عادل شیخ نے قائد آباد میں پی ٹی آئی یوتھ ونگ کی جانب سے منعقدہ جشنِ آزادی کی تقریب میں شرکت کی اور  آزادیِ وطن کے پچھتر سال مکمل ہونے پر کیک کاٹا گیا۔

 جشن آزادی کی تقریبات کے سلسلے میں  پی ٹی آئی کے اس پروگرام  میں کارکنان و شہریوں نے بڑی تعداد نے شرکت کی۔

 اس موقع پر حلیم عادل شیخ نے شرکاء سے خطاب کرتے ہوئے الزام عائد کیا کہ ایم کیو ایم نے پیسوں کی خاطر ہمیں چھوڑ کر پی پی سے الحاق کیا۔  انہوں نے کہاکہ نہ ایڈمنسٹڑیٹرشپ ملی نہ گورنرشپ ملی۔ پیپلزپارٹی وینٹیلیٹر پر ہے ایم کیو ایم نے پی پی سے مل کر اپنی سیاست کا خاتمہ کر دیا۔

 حلیم عاد نے کہا کہ پاکستان کی آزادی کے لئے ہمارے آباؤ اجداد نے بڑی قربانیاں دی ہیں ، پاکستان کی آزادی کے لئے جانوں کے نذرانے دیئے گئے تھے، بڑی قربانیوں کے بعد پاکستان کو حاصل کیا گیا۔

 انہوں نے واشگاف الفاظ میں کہا گوروں سے آزادی کے بعد دوبارہ گوروں کے غلام نہیں بن سکتے، پی ٹی آئی میں صرف ایک لیڈر ہے عمران خان  اورہم سب ورکر ہیں۔