کراچی میں فٹ بال گراؤنڈ کوڑے دان میں بدل گیا، اہل علاقہ پریشان

خبر کہانی خصوصی رپورٹ

حکومت بدلی،عوامی نمائندے بدل گئےلیکن کراچی سےکچرے کے ڈھیر صاف نہ ہوسکے۔مومن آباد روڈ  پر واقع مجاہد کالونی فٹبال گراؤنڈ کوڑےدان بن گیا۔ علاقے کے بچوں سے واحد گراؤنڈ بھی چھن گیا۔

 اس گراؤنڈ میں فٹ بال کے بڑےبڑے ایونٹ ہوا کرتے تھے لیکن پھرتعمیرنو کےنام پرگراونڈ میں ملبہ ڈال کرچھوڑدیا گیا جس سےایک طرف علاقے کےبچے اورنوجوان صحت مند سرگرمی سے محروم ہوگئے تو دوسری طرف مختلف علاقوں کا کچرا لاکرگراونڈ میں پھینکاجانے لگا جس سےکھیل کامیدان کوڑےدان میں بدل گیا۔

گراؤنڈ سےمتصل گورنمنٹ پرائمری وسیکنڈری اسکول کےعلاوہ نجی اسکول اورایک بڑا  اسپتال بھی ہے۔ کچرےکےڈھیرکےتعفن سے نہ صرف علاقہ مکین پریشان ہیں بلکہ طلباء اورمریضوں کےلیے بھی سانس لینا محال ہوگیا۔

اہل محلہ کاکہنا ہےکہ فیکٹریوں کا فضلہ بھی گراؤنڈ میں پھینکاجاتا ہےکیمیکل کی بدبو سےوہ سانس اور پھیپڑوں کی بیماریوں کا شکارہونےلگے ہیں۔کوڑا کرکٹ کی وجہ سےنکاسی آب کا بھی مسئلہ پیدا ہوگیا ہے اورمومن آبادروڈ پرٹریفک کی روانی  میں بھی خلل پڑتاہے۔

 کئی بارشکایات کےباوجود بلدیاتی نمائندوں نےگراؤنڈ کی بحالی پرتوجہ نہیں دی۔ یوسی چیئرمین اورنگزیب الائی نےیقین دہانی توضرورکرائی لیکن پھرپلٹ کرخبرنہ لی۔

علاقہ مکینوں نےچیئرمین ضلع غربی اور میئرکراچی وسیم اخترسےنوٹس لینےکامطالبہ کرتےہوئےخدشہ ظاہرکیا کہ اگربروقت توجہ نہ دی گئی تویہ گراونڈ قبضہ مافیا کےچنگل میں جاسکتا ہے۔