اسلام آباد یونائیٹڈ نےکراچی کنگز کوپی ایس ایل سے باہرکردیا


 نیشنل اسٹڈیم کراچی میں کھیلے گئے میچ میں اسلام آباد یونائیٹڈ نے کراچی کنگز کی جانب سے دیا گیا 162 رنز کا ہدف آخری اوور میں پورا کیا۔اسلام آباد یونائیٹڈ کی جانب سے اننگز کا آغاز لیوک رونکی اور کیمرون ڈیلپورٹ نے کیا لیکن رونکی 5 رنز ہی بنا سکے۔کیمرون ڈیلپورٹ نے 38 رنز کی اننگز کھیلی جب کہ ایلکس ہیلز نے 41 اور حسین طلعت نے 32 رنز بنائے۔ آخری اوور میں فہیم اشرف اور آصف علی نے جارحانہ اننگز کھیلتے ہوئے اپنی ٹیم کو فتح سے ہمکنار کرایا۔ فہیم اشرف نے 17 اور آصف علی نے 20 رنز کی اننگز کھیلیں۔

اس سے پہلے  کراچی کنگز کے کپتان عماد وسیم نے ٹاس جیت کر اسلام آباد یونائیٹڈ کے خلاف پہلے خود بیٹنگ کا فیصلہ کیا۔کراچی کی جانب سے اننگز کا آغاز بابر اعظم اور کولن منرو نے کیا اور دونوں کھلاڑیوں نے اپنی ٹیم کو 52 رنز کا جارحانہ آغاز فراہم کیا۔
کنگز  کو پہلا نقصان کولن منرو کی صورت میں ہوا جب وہ 11 گیندوں پر 32 رنز بنا کر آؤٹ ہوئے۔کراچی کنگز کی دوسری وکٹ 102 رنز پر اس وقت گری جب لونگ اسٹون 30 رنز بنا کر آؤٹ ہوئے اور پھر جلد ہی بابراعظم بھی 42 رنز بنا کر آؤٹ ہو گئے۔

تین کھلاڑیوں کے آؤٹ ہونے کے بعد کراچی کا کوئی بھی کھلاڑی اسلام آباد کے بولرز کا جم کر مقابلہ نہ کر سکا اور پوری ٹیم 20 اوورز میں 9 وکٹوں کے نقصان پر 161 رنز بنا سکی۔اسلام آباد یونائیٹڈ کی جانب سے محمد موسیٰ نے شاندار بولنگ کا مظاہرہ کرتے ہوئے تین کھلاڑیوں کو آؤٹ کیا۔ فہیم اشرف نے دو جب کہ رومان رئیس اور شاداب خان نے ایک ایک وکٹ حاصل کی۔اب اسلام آباد یونائیٹڈ پشاور زلمی سے ٹکرائے گی اور میچ جیتنے والی ٹیم فائنل میں کوئٹہ سے مقابلہ کرے گی۔

کوئی تبصرے نہیں

تقویت یافتہ بذریعہ Blogger.